試衫@Run for the dream & hold衫記

上星期又上左Connie度試衫, 事緣Connie話4月頭會返新貨, 而家我都想快D決定, 了卻一件心事!

由於經過上次試衫, Connie大概知道我鐘意咩, 所以都會搵返D岩我口味比我!

呢件一試上身, 我已經好鐘意!!!!!

冷靜!!!再試多幾件先.........

呢件試完都靚, 不過感覺無頭先個件咁強烈, 之後Connie都拎左魚尾款比我試, 但我真係唔鐘意魚尾款, 一見到魚尾, 徐小鳳就飄過......

最後, 我HOLD左呢件....

係Connie度租衫, 要hold衫的話, 要先比1000 deposit, 之後可以無限轉款, 直到final fitting, 租一件3600, 無package套餐

而final fitting就係大婚前一個月, final fitting係去改衫師傅度度身, 個時就會揀埋頭紗, bell (如果你有需要), 配哂一套!!

Connie真係一D都唔hard sell, 就連比deposit個account都係我自己主動whatapp佢先比我!!

唯一唔好就係Connie太難約啦, 上星期係我專登請假去試衫哦!

我無其他新娘咁好毅力, 走訪各大緍紗店, 所以無得比較Run for the dream同其他婚紗店, 不過既然搵到自己的the one, 試衫租衫過程又舒服, 就無所謂啦!