租衫 for pre-wedding@Snowy Wedding

10月份去澳門影pre-wedding, 因為package唔包衫, 所以係時候攪一攪呢一個item

我係wow度發現有b2b介紹Snowy wedding有pre-wedding租衫package, 價錢幾抵, 而且口碑不錯~

所以就約左店主Ceci試衫, 間鋪位於新蒲崗的工廠大廈入面

一上到去, Ceci就問我想試D咩款, 用電腦show下D裙款, 不過都係佢fb既相

我就直接話想試仿Vera Wang個條

不錯!!!我覺得幾靚, 熊生都話靚

條裙幾新, D料都幾舒服, 所有裙都係綁帶款, 所以一定著得入, 哈哈哈!!!

Ceci一聽到我開口就試仿Vera Wang, 大概已經猜到我既口味, 再拎第二條裙比我試

呢條顯得我下身太腫, OUT!!!

我都幾鍾意呢一條, 可惜我肥腩太大, 顯得我好肥, 哭!!!!

Not my cup of tea, out!!!

最後試呢一款, 我都好鍾意, 著得我瘦少少, 不過熊生話第一條好睇D, 咁就hold左第一條

隔左幾日, 我再睇返D相, 都發覺最尾個條真係幾靚, 想轉款, 但熊生堅持話第一條好睇D, 上鏡D, 又型D.........比佢一講, 我又猶豫了.......

Ceci話可以轉款, 可以改期, 早一日通知佢, 佢會盡量安排

成個試衫過程都幾開心, 沒壓力, Ceci不會hard sell, 聽到我只單租一條亦都無黑面, good^^

我沒有試晚裝, 因為我想要條黑色晚裝, 不過Ceci沒有黑色的晚裝, 所以我只單租了一條婚紗

至於晚裝, 我打算向偉大的淘寶進發, 淘完返黎再Share

申請拍攝許可@澳門鄭家大屋

上回提到我去完澳門實地考察後, 很喜歡鄭家大屋, 很想在大屋裡影pre-wedding, 查詢過職員, 要在大屋內拍攝就要向澳門文化局申請拍攝許可

碌到返香港的第二天, 我就fax申請表去申請, 我原本book了11月24日(星期一)影pre-wedding的, 結果就收到以下的回覆........

噢!!!原來鄭家大屋只可以星期三閉館日才可以進行拍攝....

為了它, 我決定改期, 由11月改到10月29日, 但....

KTC的LARRY 10月29日要去外地拍攝.....

再改期, 10月22日LARRY有期, 又係星期三, 又向文化局申請10月22日的拍攝許可

之後, 是等待, 等待再等待, 果然係政府部門, 專長都係叫人等等等.....

某日, 又收到文化局的e-mail....

我諗申請表上申請人一欄, 除了寫本小姐的大名之外, 仲要寫埋你book左邊間公司拍攝

答完呢封e-mail, 又進入等待的冰封時期....

正當我想send e-mail 去查詢之際, 我就收到.....

Yeah!!!!終於攪掂了!!!!

佢會send拍攝許可的文件比你, 到時候就係拎住份野去鄭家大屋啦!!!

份文件上面會列明你邊日幾時可以係鄭家大屋進行拍攝, 仲有一堆注意事項, 仲寫明你只可以在走廊, 門廊及室外進行拍攝, 唔知到時候係咪有條友跟我地影相呢??

下一步, 處理pre-wedding服裝作戰計劃~~~

澳門pre-wedding實地考察作戰計劃

上星期, 為了黎緊的澳門Pre-wedding,，我和熊生擬定了一個名為「2日1夜澳門水舞間+pre-wedding考察作戰計劃」，其實即是吃喝玩樂2天遊。

自從年頭Book了年尾的pre-wedding shooting後，我對澳門一些熱門的pre-wedding景點也沒什麼太大的感覺，實地去見過、走過，感覺不同了，就會知道自己想影什麼。

 指定動作 ~ 主教山

我們去到時，已經有4對新在拍攝，我和熊生就旁邊看人家拍攝，幻想到自己影的時候是什麼光影。作為一個小女子，當然毫不例外地留意其他新娘的婚紗啦啦!!!!!

 路環舊船廠

曾經想過作為其中一個拍攝地方，但真的走到時，又沒什麼太大感覺，感覺麻麻地~

其實船廠就是有在有名的安德魯葡撻附近

咁當然唔少得品嚐下啦!

有興趣去船廠，可以參考以下網址:

千奇百趣：澳門路環舊船廠

主教山教堂附近就是鄭家大屋，我好喜歡這間大屋哦~~

著旗袍在這裡拍攝，簡直一流!!

我好喜這些紅色窗呀~~

熊生說就算著婚紗拍也一樣好看~~

經過門口問職可不可以在這裡拍婚照，職員說要向澳門文化局申請拍攝許可以，仲教我們去澳門文化局的website download份表格fax去演藝委員會申請。仲同我們說沒有許可是不可以在鄭家大屋拍婚照。

好!!!!回到香港時立即申請!!!!

澳門其實有很多教堂，有似7仔一樣，梗有一間係左近!

呢間聖彌額爾小堂就係聖味基墳場中間

我對旁邊的墳場比較有興趣，如果著黑色婚紗+黑色頭紗+黑色花球，以墳場為背景，應該好型!

不過我怎麼前衛，影墳場為婚照，我當然沒這個膽量啦!

晚上去了威尼斯人食晚飯，居然又見到白天在主教山拍婚照的其中一對新人在威尼斯外圍影夜影呀!

我和熊生狂笑，果然影婚照都不外乎那幾個方呀

現在初步入圍的影點有: 箂斯酒店，主教山，鄭家大屋(希望申請成功啦!)

其他影點還有待甄選啦!

試衫@Run for the dream & hold衫記

上星期又上左Connie度試衫, 事緣Connie話4月頭會返新貨, 而家我都想快D決定, 了卻一件心事!

由於經過上次試衫, Connie大概知道我鐘意咩, 所以都會搵返D岩我口味比我!

呢件一試上身, 我已經好鐘意!!!!!

冷靜!!!再試多幾件先.........

呢件試完都靚, 不過感覺無頭先個件咁強烈, 之後Connie都拎左魚尾款比我試, 但我真係唔鐘意魚尾款, 一見到魚尾, 徐小鳳就飄過......

最後, 我HOLD左呢件....

係Connie度租衫, 要hold衫的話, 要先比1000 deposit, 之後可以無限轉款, 直到final fitting, 租一件3600, 無package套餐

而final fitting就係大婚前一個月, final fitting係去改衫師傅度度身, 個時就會揀埋頭紗, bell (如果你有需要), 配哂一套!!

Connie真係一D都唔hard sell, 就連比deposit個account都係我自己主動whatapp佢先比我!!

唯一唔好就係Connie太難約啦, 上星期係我專登請假去試衫哦!

我無其他新娘咁好毅力, 走訪各大緍紗店, 所以無得比較Run for the dream同其他婚紗店, 不過既然搵到自己的the one, 試衫租衫過程又舒服, 就無所謂啦!

獨立組團報價 @ 永安 & 康泰

大約問過2家親戚誰會自費去關島, 對~是自費!!

我不是大明星, 有錢人家的大小姐, 當然沒錢包哂所有親戚去啦!

我的角色是幫他們訂機票酒店+行程

經過粗略估計, 大約有18個人"話"會去, 即是未看到價錢都未肯定會去的意思

通常去關島結婚都會訂United Airline的package, 但他們的package價錢很遲先出, 都唔知他們幾時出

而且考慮到有老有嫩, 總不能去到關島丟低他們不管, 還要照顧他們的吃喝玩樂

所以將自己的辛苦轉變成花多一點錢, 交給別人去做吧!!!

要獨立租團不外乎見慣見熟那幾間大旅行社, 我幾乎所以有隨口"up"得出名的旅行社都有send e-mail問

我自己寫了一個行程:

Day 01 ~ 11 Feb 2015

Fly to Guam

Day 02 ~ 12 Feb 2014

Arrive Guam & city tour

Day 03 ~ 13 Feb 2014

自費活動

Day 04 ~ 14 Feb 2014

Transfer to Blue Astar Chapel, the wedding start at 10:15

After wedding, transfer back to the hotel

Day 05 ~ 15 Feb 2014

自費活動

Day 06 ~ 16 Feb 2014

Transfer to the airport & fly back Hong Kong

這麼多自費活動, 是因為不是所有人都喜歡將每天都排得滿滿

旅行社會有一堆自費活動表, 各人可以根據自己喜好選擇, 皆大喜歡

綜合這個星期的體驗:

永安: 回覆得最快, 不過最貴

康泰: 差不多等了一個星期, 不過有電話打來交代下收到你的mail, 隔2天又打來交代下進度, e.g. 在等關島接待公司的價錢, 所以需要多一點時間

回覆我之後, 又打黎問我收唔收, 有什麼問題 & 有什麼需要注意, etc.

美麗華: 有打過電話來說已收我mail, 正在處理中, 不過等了一個星期有多都未覆到我價錢

東瀛遊: 沒有做關島線

新華: send了e-mail, 什麼都沒有

永安組一個18人的團要HK$11,228 + 稅 + 導遊費, 住Sheraton Resort, 我阿娘話要住5星級靚酒店

康泰要HK$ 9,540  + 稅 + 導遊費, 都係住Sheraton Resort

我將2份報價print哂出黎, 叫我娘問女家的親戚, 叫肥熊比未來奶奶問男家親戚, 希望6月前confirm到人數

婚戒 @ I-PRIMO

其實在肥熊求婚後, 我都有意無意去留意下婚戒, 婚禮是一日的儀式, 婚戒是帶一世的

話雖如此, 我都幾乎沒有做太多research下就決定了I-PRIMO, 沒有原因, 只有直覺, 哼!!

肥熊那一隻沒有石, 我那一隻有一排石, 款式沒有太特別, 也不需要太特別, 平凡的款式才經得起時間的磨練, 婚姻也是如此吧! 平淡才會細水長流

試衫 round 1 @ Run For The Dream

我上了傳說中的Rum for the dream

網上傳說流傳Connie好好人 ~ 事實她的確很好人, 跟我阿娘很好傾

網上傳說流傳可以用好抵的價錢租到designer brand 的婚紗 ~ HK$ 3600一件的確很吸引, 不過沒有package, 網上傳說說晚裝很少, 由於我不需要晚裝, 所以沒有考証

網上傳說Run for the dream的婚紗不會租過3次以保持婚的新淨 ~ 忘了問

網上傳說..........有太多傳說啦......

租衫對每個新娘來說都是Big item, 每個新娘都想搵到自己的the one, 好似揀老公一樣

我自問沒有毅力走訪港九新界的婚紗店去尋找我的the one

我相信緣份, 我跟自己的the one的緣份

上到Connie到, 地方都算寬敞, 同一時間可以有2位新娘子試

由於我一早send左e-mail比Connie, 我想試咩款, 所以一上到去就可以開波試衫

好!!!!!第一時間試下我心儀既Vera Wang上身先!!!

噢.....太細件, Connie話而家D新娘太瘦啦, 件婚紗一租過出去一次就會變得好細件.......

我想: 我係咪真係咁肥呀!!!!!

由於實在太細件, 完全拉唔到拉鏈, 睇唔到件婚紗既效果, 所以就無影相

Connie都拎其他款比我試

呢款試出黎, 已經覺好靚, 但阿媽話可以能因為我著得入既關係

再試

呢件試完, 阿媽話好似以前英國既女管家.......

又再試.....

呢件好大熱, 幾乎去Run for the dream試衫既準新娘都會試一試, 不過我不太喜歡心型胸

其實Connie都拎左好多件比我試, 但一著上身就唔鍾意, 即out, 所以無影相

Connie話4月頭會新貨返, 建議我再上黎試多次先決定, 而我最心儀個件Vera Wang可以改返岩我Size比我試

約左4月3日試衫round 2

海外婚禮 ~ Blue Astar Chapel 藍星教堂 @ 關島

自從肥熊求婚後, 我就著手籌備自己的婚禮~旅行結婚

首先, 決定要旅行結婚後, 就要決定你要在哪裡舉行婚禮, 我當時心水地方有沖繩、北海道、關島

我上網search下有咩公司做海外結婚package, 有旅行社, 有婚禮公司, etc.

不過, 上網很多評價說旅行社代book教堂, 舉辦婚禮不是太好, 最好找你心目中教堂的代理公司, 減少中間人這一層

我原本想去北海道, 不過教堂環境的確麻麻地, 至少沒有"Wow"一聲的感覺

經過一輪研究, 決定找Watabe, 因為藍星是屬於他們的, 少了中間人這個角色, 就他吧!! 我相信自己的感覺, 也是因為我懶, 哈!!

最後, 我BOOK了2015年2月14日係關島既藍星教堂行禮

看到這一張圖, 就覺得自己決定沒有錯, 很美!!

下一步, 我要試Vera Wang的婚紗@ Run for the dream!!!